ఒకటా!... రెండా!! చెప్పడానికి ..
వందలు!.. వేలే.!!.. పొగడడానికి..
సిరివెన్నెల వెలిగించిన పాటలు
జగానికే వెలుగిచ్హిన పాటలు
కదిలించి.. రగిలించిన పాటలు
మురిపించి.. మరిపించిన పాటలు
"విధాత తలపుల" నుండి "సామజవరగమన" వరకు
ఒక్కో పాట భావ గ్రంధమే..
తెలుగు వెలుగును పెంచే ఆణిముత్యమే !!
పాటల రైతు అలసిపొయాడు
కలం వీరుడు కనుమరుగయ్యాడు
భావ శూన్యపు చీకటికి వెలుగునిచ్హేందుకేమో ..
నింగికెగసి సూర్యుడయ్యాడు
- శరత్