Diwali

diwali
ప్రమోదము,ప్రమిదల సరళి
ప్రతి ముంగిళిలో ప్రత్యక్షమై
వినూత్న వికాస సౌందర్యం
దిశలన్నిటా దేదీప్యమై
వేడుకలా మన ముందుకు
వచ్హెను దీపావళి పండుగై నేడు !!
అందరికీ దీపావళి శుభాకాంక్షలు...!!
- శరత్  


--

ప్రేమ ( Love )

ప్రేమ 
ఎన్నో కోట్ల అనుభవాలు ఉన్నా
ఎన్నో వేల వర్ణనలే ఉన్నా  
నిత్యనూతన సాదృశ్యముతో    
ప్రతి హ్రుదయం లో
వివిధ రూపాన..
కదిలే అంతర్వాహిని నీవు  

ప్రక్రుతి సహజత్వం లో 
మెరిసే సౌందర్యానివి నీవు ..
మనోనేత్రానికి చిరపరిచయవు

నీ కొరకై విరహ వేదనలు !
నీ కొరకై మధుర గానములు !!
అమితానందం కలిగించే..
అనంతానివే నీవు !!

"ప్రేమ"వు నీవు !!
- శరత్

ఆలోచన ( Idea/Thought )

ఆలోచన ఆలోచన !
సరిక్రొత్త ఆలోచన !
ఆపకు నీ ఆలోచన !!

వేగంగా... వెలుతురులా కదిలే ఒక ఆలోచన
మౌనంగా.. మహిమలా మెదిలే ఒక ఆలోచన 
నిశితపు పరిశీలనలో కలిగే ఒక ఆలోచన   
ఆపకు దాన్నెపటికీ !!!

పాత తరపు భావాలు అడ్డు చెప్పినా
నిరాశపు సంశయాలు నిలువరించినా
నిర్భయముగ నిన్ను నమ్మి
అడుగెయ్ ముందడుగెయ్..
ఆపకు నీ ఆలోచన !!!

కూటములై రానీ ఓటములెన్నైనా 
ఓరిమి తో అడుగెయ్  
అడుగెయ్ ముందడుగెయ్..
ఆపకు నీ ఆలోచన
నీ ఆశయపు సాధన  !!!

- శరత్

( Many people including me stop the ideas putting in to actions by giving judgements. So this poem is reminder for continuing the thought process and pursuit of goal )

"గాంధీ"

ఆడిగాడు నన్ను ప్రశ్న కొరియా దేశస్తుడు..   
ఏ దేశం నీదని ?
కుతూహలముతో కూడిన....ఆత్మీయతతో 
మర్యాదపు భాషలో ..అడిగాడు ....
బదులిచ్హా..నేను "ఇండియన్" అని...   ( అర్థం కాలేదు )

ఇంగ్లీషు తనకి రాదు
నాకు తన భాష రాదు
సైగలే భాషలాయె మా ఇద్దరి మధ్య 
మళ్ళీ బదులిచ్హా "ఇండియన్" అని... ( అర్థం కాలేదు )          

రెండు క్షణములు.. నిడివి.
మిరుమిట్లు గొలిపేలా మెరిసెను తన మోము ..  
బ్రొటన వ్రేలితో "Thumsup" చెబుతూ చెప్పాడు .."గాంధి" అని...    
- శరత్      

ఉగాది శుభాకాంక్షలు...

మన్మధ నామం
ఇది మల్లెల బాణం
జగమంతా నింపునులే ప్రేమ సుగంధం 
ఉగాది నవ వసంతం !
స్వాగతం సుస్వాగతం !!

ఉగాది శుభాకాంక్షలు...

- శరత్

సంక్రాంతి శుభాకాంక్షలు

భోగ భాగ్యాల దీవెనలు
మోసుకొచ్హు భోగి పళ్ళు,   
రంగుల ముంగిళ్ళతో..
విరిసే సరికొత్త హరివిల్లు,
సాంప్రదాయాల వెల్లువతో..
మురిసే సంక్రాంతి సరదాలు, 
కలకాలం మదిలో నిలిచే కనువిందు చిత్రాలు..

సంక్రాంతి శుభాకాంక్షలు 
- శరత్