Happy Ugadi 2021

 

ఆప్తులను కలవాలా.. వద్దా..

ప్రయాణం చెయ్యాలా.. వద్దా..

మాస్క్ వెయ్యాలా వద్దా..

మందులు సరి అయినవా కావా..

అసలు వ్యవస్థ ను నమ్మాలా వద్దా..

నిర్ధిష్టమైన వైరుధ్యాలు ..అగమ్యగోచరాలు

ఊగిసలాటల నడుమ

వచ్హెను లే ఉగాది..

ప్లవ నామపు ఉగాది..

నమ్మకాన్ని నిర్మించి..మనుషులంత కలిసుండె

నవ జీవన విప్లవాన్ని తీసుకురా ఉగాది..

ఉగాది శుభాకాంక్షలు

శరత్

Happy New Year 2021 !!

 

ఊహించని ఉదృతాలు

ఆశ్చర్యకర పరిణామాలు

మనుషుల్లో వైవిధ్యాలు

బంధాల్లొ వైరుధ్యాలు

కనిపించని కస్టాలెన్నో

కనిపించేలా..

కొందరికి కంగారులా

కొందరికి బేజారులా

కొందరికి అవకాశంలా

కొత్త పాఠాలు నెర్చుకునేలా

శతాబ్దానికే ముఖ్యాంశంలా

ఏందరికో మరువాలనుకునే చేదు ఙ్నాపకం లా..

కదలి పో ఓ 2020

స్వాగతం ఓ 2021

పోరాడే శ్వాసలకు ఆశ గొప్పతనం తెలిసేలా

నిస్సత్తువ జీవితాల్లో నిర్మలత్వం నిండేలా..

ప్రకృతి శాంతి మంత్రం ప్రజ్వరిల్లెలా..

కదలి రా ఓ 2021 !!

- శరత్

SPB

 

బాలు

 

ఆ పేరు వింటే చాలు 

మ్రోగుతాయి మదిలో రాగాల తరంగాలు

మెదలుతాయి ఆత్మ బంధువులై పాట వెనుక కథలు 

ఆ గొంతు పలికే .. కదిలించే భావాలు 

అగాధం లో దాగిన ఆణిముత్యం దొరికినట్టు,

విశాలం దరి చేరినట్టు,

దేవుడిని దర్శించినట్టు 

నిత్యం మన మధ్యన ఉండే గాన గంధర్వాలు 

ఆ పాటలు...

పాటల ప్రియులకు,

కళా హ్రుదయులకు

నిత్య స్మరణాలు 

అజరామరణాలు... 

శరత్